O‘zbekiston Respublikasi Prezidentining “Yoshlarning tadbirkorlik faoliyatini qo‘llab-quvvatlash va bandligiga ko‘maklashish, ularni ijtimoiy himoya qilish hamda bo‘sh vaqtini mazmunli tashkil etishga oid qo‘shimcha chora-tadbirlar to‘g‘risida” 2021-yil 20-apreldagi PF-6208-son Farmoni ijrosini ta`minlash maqsadida O‘zbekiston Respublikasi Vazirlar Mahkamasi qaror qilgan. Shunga asosan “Mehribonlik” uylari, Bolalar shaharchalari va oilaviy bolalar uylarida tarbiyalangan yoshlar, shuningdek, “Yoshlar daftari”ga kiritilgan yoshlarga ularning davlat va nodavlat ta`lim tashkilotlarida avtomototransport vositalari haydovchilarini tayyorlash o‘quv kursining bazaviy hisoblash miqdorining 4 baravarigacha bo‘lgan qismini qoplab berish; “Mehribonlik” uylari, Bolalar shaharchalari va oilaviy bolalar uylarida tarbiyalangan yoshlar, shuningdek, “Ijtimoiy himoya yagona reyestri”ga kiritilgan oilalarning “Yoshlar daftari”ga kiritilgan farzandlariga ularning safarbarlik chaqiruvi rezervidagi xizmatni o‘tash badalini to‘liq miqdorda qoplash uchun subsidiya ajratish; “Yoshlar daftari” ro‘yxatida mavjud bo‘lgan yoki bandligi ta`minlangani sababli undan chiqarilgan, xususiy tashkilotga ishga qabul qilinganiga 6 oydan oshmagan yosh xodimlarni kasbga qayta tayyorlash kurslarida o‘qitish bilan bog‘liq bo‘lgan xarajatlarning 50 foizi, biroq bazaviy hisoblash miqdorining 4 baravarigacha bo‘lgan qismi mazkur xususiy tashkilotga kompensatsiya qilinishini nazarda tutuvchi Xususiy tashkilotlarga ishga qabul qilingan, “Yoshlar daftari”ga kiritilgan yoshlarni kasbga qayta tayyorlash kurslarida o‘qitish xarajatlarini kompensatsiya qilish; ularning xorijiy tillar va umumta`lim fanlari bo‘yicha nodavlat ta’lim tashkilotlarida o‘qish xarajatlarining bir qismini hamda ular bo‘yicha milliy sertifikatlar olish uchun o‘tkaziladigan imtihonlarni topshirish xarajatlarini qoplab berish bo‘yicha davlat xizmatini ko‘rsatish; Professional ta`lim tashkilotlarida tahsil olayotgan, “Yoshlar daftari”ga kiritilgan o‘quvchi yoshlarga ishlab chiqarish va xizmat ko‘rsatish korxonalarida ishlab chiqarish amaliyoti davri uchun subsidiya ajratish; “Bir million dasturchi” loyihasi doirasida o‘quv kurslarini muvaffaqiyatli tugatgan yoshlarga, shuningdek, IT-park rezidentining o‘quvchisi yoki bitiruvchisi bo‘lgan yoshlarga iste`mol krediti orqali kompyuter xarid qilish uchun kafillik berish hamda mazkur kreditlarning foiz to‘lovlarini kompensatsiya qilishning ma`muriy reglamenti ilovalarga muvofiq tasdiqlangan.
Elyor ZOIROV,
Jarqo‘rg‘on tumani adliya bo‘limi davlat xizmatlari markazi mutaxassisi
XALQARO IMTIHON TIZIMLARI BO‘YICHA YUQORI
BALL (DARAJA) TO‘PLAGAN YOSHLARGA IMTIHON
TOPSHIRISH XARAJATLARINI TO‘LIQ QOPLAB
BERISH TARTIBI
O‘zbekiston Respublikasi Vazirlar Mahkamasi xalqaro imtihon tizimlari bo‘yicha yuqori ball (daraja) to‘plagan yoshlarni qo‘llab-quvvatlash maqsadida qaror qilgan.
Xalqaro imtihon tizimlari bo‘yicha yuqori ball (daraja) to‘plagan yoshlarga imtihon topshirish xarajatlarini to‘liq qoplab berish bo‘yicha davlat xizmatini ko‘rsatish, ariza berish va uni ko‘rib chiqishni, kompensatsiya pulini to‘lashni nazarda tutuvchi Xalqaro imtihon tizimlari bo‘yicha yuqori ball (daraja) olgan yoshlarga imtihon topshirish xarajatlarini to‘liq qoplab berishning ma`muriy reglamenti; Imtihon topshirish xarajati kompensatsiya qilinadigan xalqaro imtihon tizimlari ro‘yxati tasdiqlandi.
O‘zbekiston Respublikasi Yoshlar ishlari agentligi ushbu qarorga ko‘rsatilgan imtihon turlaridan yuqori ball (daraja) olgan yoshlarga imtihon topshirish xarajatlarini to‘liq qoplab beradi; davlat xizmatini ko‘rsatish uchun zarur hujjatlar va boshqa hujjatlarning namunaviy shakllari, blankalari ishlab chiqilishini ta`minlanadi hamda O‘zbekiston Respublikasi Adliya vazirligi huzuridagi Davlat xizmatlari agentligi (keyingi o‘rinlarda — Davlat xizmatlari agentligi) bilan kelishgan holda tasdiqladi.
Davlat xizmatlari agentligi bilan birgalikda O‘zbekiston Respublikasi Yagona interaktiv davlat xizmatlari portalida (keyingi o‘rinlarda — YIDXP) elektron davlat xizmatini joriy qilish bo‘yicha texnik hujjatni ishlab chish, kelishish va tasdiqlashni Axborot texnologiyalari va kommunikatsiyalarini rivojlantirish vazirligi bilan birgalikda bajarish topshirilgan.
Qarorda AT “Xalq banki”, O‘zbekiston Respublikasi Tashqi ishlari vazirligiga ham bajarilishi zarur vazifalar belgilab berilgan.
Munira XODJIYEVA,
Jarqo‘rg‘on tumani adliya bo‘limi davlat xizmatlari markazi bosh mutaxassisi
SPORTCHILARGA SPORT UNVONLARI VA SPORT
RAZRYADLARINI BERISH TARTIBI
O‘zbekiston Respublikasi Prezidentining “2022 – 2026-yillarga mo‘ljallangan Yangi O‘zbekistonning taraqqiyot strategiyasi“ amalga oshirilmoqda. Natijada sport turlari bo‘yicha sport unvonlari va sport razryadlarini berish bo‘yicha davlat xizmatlarini Yagona interaktiv davlat xizmatlari portali hamda Davlat xizmatlari markazi orqali ko‘rsatishni yo‘lga qo‘yildi. Sport unvonlari va sport razryadlarini olish uchun ariza hamda hujjatlarni yuborish, ko‘rib chiqish va guvohnomani berish, sport unvonlari va sport razryadlarining amal qilish muddatini belgilash hamda qayta rasmiylashtirish yo‘lga qo‘yildi. Sportchilarga sport unvonlari va sport razryadlarini berish bo‘yicha davlat xizmatlaridan foydalanish uchun davlat xizmatlari markazlari yoki YIDXP orqali ariza berish hamda 16 yoshga to‘lmagan ariza beruvchilar uchun YIDXP orqali ularning ota-onasi yoki qonuniy vakili tomonidan ariza berish imkoniyati yaratildi.
Yagona sport tasnifi (keyingi o‘rinlarda – YST) – sport turlari reyestriga kiritilgan sport turlari bo‘yicha tegishli sport unvonlari va sport razryadlarini berish uchun bajarilishi zarur bo‘lgan normalar hamda talablar, shuningdek, ularni bajarish shartlari:
sportchi – tanlagan sport turi yoki turlari bilan muntazam shug‘ullanadigan, o‘zining sport mahoratini doimiy oshirib boradigan va sport tadbirlarida qatnashadigan jismoniy shaxs;
sport musobaqasi – sportchilar o‘rtasida yoki sportchilar jamoalari o‘rtasida sport turlari bo‘yicha musobaqaning eng yaxshi ishtirokchisini aniqlash maqsadida jismoniy tarbiya yoki sport tadbirining tashkilotchisi tomonidan o‘tkaziladigan bellashuv;
sport turi – jismoniy tarbiya va sport sohasidagi faoliyat turi;
sport tadbirlari – sport musobaqalarini, o‘quv-mashq jarayonini va sportchilar ishtirokida sport musobaqalariga tayyorgarlik ko‘rish bo‘yicha boshqa tadbirlarni o‘z ichiga oladigan jarayonlar;
Reglamentga muvofiq ariza beruvchiga: a) sport unvonlari: Xalqaro toifadagi O‘zbekiston sport ustasi; O‘zbekiston sport ustasi yoki O‘zbekiston grossmeysteri; b) sport razryadlari: O‘zbekiston sport ustaligiga yoki O‘zbekiston grossmeysterligiga nomzod; birinchi sport razryadi; ikkinchi sport razryadi; uchinchi sport razryadi; o‘smirlar uchun birinchi sport razryadi; o‘smirlar uchun ikkinchi sport razryadi; o‘smirlar uchun uchinchi sport razryadi beriladi.
Nizomjon SOTTAROV,
Jarqo‘rg‘on tumani adliya bo‘limi davlat xizmatlari markazi direktori
O‘ZINI O‘ZI BAND QILGAN SHAXS SIFATIDA
FAOLIYATNI AMALGA OSHIRISH TARTIBI
O‘zbekiston Respublikasi Prezidentining tadbirkorlik faoliyati va o‘zini o‘zi band qilishni davlat tomonidan tartibga solishni soddalashtirish bo‘yicha chiqargan qarorini bajarish maqsadida hukumatimiz qaror qildi. Shunga asosan o‘zini o‘zi band qilgan shaxslarni davlat soliq xizmati organlarida ro‘yxatdan o‘tkazish tartibi; o‘zini o‘zi band qilgan shaxslar tomonidan mehnat faoliyatini amalga oshirishning o‘ziga xos xususiyatlari; o‘zini o‘zi band qilgan shaxslar va ularning xizmatlaridan (ishlaridan) foydalanuvchilar o‘rtasidagi fuqarolik-huquqiy munosabatlarni tartibga solish belgilandi. O‘zini o‘zi band qiladigan shaxslar uchun faoliyat (ishlar, xizmatlar) turlari ro‘yxatiga “Nomoddiy madaniy meros obyektlarini (dorboz, askiya va lapar) asrash va ulardan foydalanish (madaniyat markazlari tarkibida faoliyat yuritayotgan shaxslar bundan mustasno)” hamda “Uy sharoitida xonaki tovuqlarni yetishtirish va ko‘paytirish” faoliyat turlari kiritilishi ko‘rsatib o‘tilgan.
Dilshoda MAMATKARIMOVA,
Jarqo‘rg‘on tumani adliya bo‘limi davlat xizmatlari markazi mutaxassisi
