Ichki ishlar organlari tomonidan o‘qotar qurol egalari o‘rtasida shaxsiy o‘qotar qurolni o‘rnatilgan tartibda saqlash va undan xavfsiz foydalanish tartibotlarini targ‘ib qilish,ushbu qoidalarga to‘la-to‘kis amal qilinishi bo‘yicha tumanimizda o‘qotar qurol egalari ishtirokida yig‘ilish o‘tkazildi. Yig‘ilishda qurol egalari tomonidan ov qurolini saqlash qoidalariga amal qilmasligi, belgilangan joylarda saqlanmasligi oqibatida o‘lim bilan bog‘liq favqulodda hodisalarning sodir etilishi davom etayotganligi ta`kidlandi.Jumladan, Sherobod tumani “Uzunsoy” mahallasida yashovchi fuqaro ukasi bilan ushbu mahalla hududida yaylov yer maydonida mollarni boqib turgan vaqtida o‘zlariga oldindan tanish bo‘lgan mahalladoshining o‘g‘li bilan yaylov yer maydonini talashib, o‘zaro janjallashib qolishi natijasida tuman IIB da ro‘yxatda turgan ov quroli bilan aka – ukalarga qarata o‘q uzgan. Natijada akasi olgan tan jarohati tufayli voqea joyida vafot etgan. Bu kabi ko‘ngilsiz hodisalarning oldini olishimiz uchun barchamizda hushyorlik talab etiladi.
A.Xolmo‘minov,
tuman IIB JXX JTSG katta inspektori, katta serjant