Zamonaviy qonunchilikda fuqarolarning huquqlari muhofaza qilingan. Fuqarolar buzilgan huquqlarini himoya qilish uchun tegisjli tashkilotga og‘zaki, yozma va elektron tarzda murojaat qilishi mumkin. Qumqo‘rg‘on tuman Xo‘jaqishloq mahallasi Ma`rifat ko‘chasi 92-uyda yashovchi Dostonov Baxrom Abdivayitovich Qumqo‘rg‘on tuman Iste`molchilar huquqlarini himoya qilish jamiyatiga og‘zaki murojaat etib o‘zi va oilasining manfaatdorligiga erishdi.
U plastik kartasini Qumqo‘rg‘on tuman Xalq banki BXMning bankamatiga kiritib tegishli so‘rovlarni bajarganida naqd pul chiqmadi. Qumqo‘rg‘on tuman Iste`molchilar huquqlarini himoya qilish jamiyati xodimlari og‘zaki murojaatga ko‘ra 2024 yil 26 fevralda № 05 i/ch-sonli buyruq chiqarib, holatni o‘rgandi. Iste`molchi ishtirokida o‘rganish o‘tkazilganda haqiqatan ham Xalq banki BXMning bankamatiga plastik kartasini kiritib pul yechmoqchi bo‘lganida tizimda nosozlik yuz bergan, plastik kartadan pul yechilsada naqd pul chiqmagan. Tuman Iste`molchilar huquqlarini himoya qilish jamiyati xodimlarining aralashuvi natijasida bu iste`molchining plastik kartasiga noto‘g‘i yechib olingan pul mablag‘i to‘liq qaytarilishi ta`minlandi.
B. BO‘RIYEV,
Qumqo‘rg‘on tuman IHHQJ bosh hisobchisi
S. MARDANAQULOV,
Qumqo‘rg‘on tuman IHHQJ Huquqiy himoya mutaxassisi