“Yuksalish” umummilliy harakati Surxondaryo viloyati hududiy bo‘linmasi zalida Surxondaryo viloyati hokimligi kichik va yoshlar sanoat zonalarini boshqarish bo‘yicha yagona direksiyasi davlat muassasasi hamda “Termiz” erkin iqtisodiy zonasi direksiyasi davlat unitar korxonasi tomonidan 2022 yilda amalga oshirilgan ishlarini tahlil qilish yuzasidan jamoatchilik eshituvi tashkil etildi.
Eshituvdan ko‘zlangan asosiy maqsad-O‘zbekiston Respublikasi Vazirlar Mahkamasining qarorida belgilangan “Viloyatda chegaraoldi hududlarning mavjud imkoniyatlaridan keng foydalanish hamda sanoat salohiyatini oshirish maqsadida maxsus sanoat zonalar faoliyatini kengaytirish”, Jumladan, “Termiz” erkin iqtisodiy zonasi hududida qiymati 43,3 mln AQSH dollariga teng bo‘lgan jami 7 ta yirik investitsiya loyihalari amalga oshirish va 14 ta yangi kichik sanoat zonalarini tashkil etish to‘g‘risidagi bandining ijrosi yuzasidan amalga oshirilgan vazifalar yuzasidan mas`ul tashkilotlarning axboroti tinglandi.
Xususan, Surxondaryo viloyati hokimligi kichik va yoshlar sanoat zonalarini boshqarish bo‘yicha yagona direksiyasi davlat muassasasi tomonidan, O‘zbekiston Respublikasi Prezidentining 2021 yil 9 iyundagi “Hududlarning sanoat salohiyatini oshirishga doir qo‘shmcha chora-tadbirlar to‘g‘risda”gi PF-6244-sonli Farmoniga asosan Boysun tumani Darband, MFY Qorobog‘, MFY hududidan qurilish materiallariga ixtisoslashtirilgan kichik sanoat zonalari tashkil etilganligi hamda Termiz erkin iqtisodiy zonasi direksiyasi davlat unitar korxonasi tomonidan esa 2022 yilda amalga oshirilgan Termiz EIZ hududida jami qiymati 13,98 mln dollarga teng bo‘lgan 4 ta yirik investitsiya loyihalari amalga oshirilib, bular quyidagilar:
1. Jami qiymati 0,3 mln dollarga teng bo‘lgan “Nova-Farm” MCHJ qo‘shma korxonasining nul sikldan tabletka holatidagi dori vositalarini ishlab chiqarish yo‘lga qo‘yilgan, 35 nafar ish o‘rin yaratilgan.
2. Jami qiymati 0,3 mln dollarga teng bo‘lgan «Angor-Farm» MCHJning Dorivor o‘simliklar plantatsiyasini barpo etish, 4 turdagi gigienik mazlar va 3 turdagi tabletka shaklidagi BFQ ishlab chiqarish yo‘lga qo‘yilgan bo‘lib 10 ta ish o‘rin yaratilgan.
3. Jami qiymati 11,2 mln dollarga teng bo‘lgan “Indenim Textili” MCHJning tayyor tikuvchilik mahsulotlari ishlab chiqarish yo‘lga qo‘yilgan bo‘lib 200 nafar xotin-qiz ish o‘rni bilan ta`minlangan.
4. Jami qiymati 2,18 mln dollarga teng bo‘lgan «GENERATION PHARMA SERVICES» MCHJ qo‘shma korxonasining qo‘y junidan lanolin substansiyasini ishlab chiqarishni tashkil etish loyihasi doirasida 20 ta ish o‘rni yaratilganligi to‘g‘risidagi ma’lumotlar berildi.
Tashkil etilgan jamoatchilik eshituvida O‘zbekiston Respublikasi Oliy Majlis Senati a`zosi, hamda viloyat kengashi deputatlari, NNT rahbarlaridan iborat bo‘lgan Taraqqiyot strategiyasi bo‘yicha jamoatchilik guruhi a’zolari hamda ommaviy axborot vositalari vakillari ishtirok etdilar.
Jamoatchilik monitoringi hamda eshituv natijalari jarayonlarida yig‘ilgan tahliliy ma`lumotlar xalq deputatlari Surxondaryo viloyat Kengashining navbatdagi sessiyasi kun tartibida ko‘rib chiqilishi uchun taqdim etildi.
Jamshid Aliyev,
“Yuksalish” umummilliy harakati Surxondaryo viloyati hududiy bo‘linmasi bosh mutaxassisi
