Tuman hududidagi iqtisodiyot tarmoqlari, Ijtimoiy soha obyektlarining 2023-2024-yillar kuz-qish mavsumiga tayyorgarlik holatlarini o‘rganish bo‘yicha Qumqo‘rg‘on tumani hududidagi mahallalarda, aholi turar joylarida sodir bo‘ladigan yong‘inlar, gaz va havo aralashmasining chaqnashi, fuqarolarning is gazidan zaharlanishi va boshqa noxush holatlarning oldini olish borasida hokimiyat, favqulotda vaziyatlar, ichki ishlar, gaz, elektr idoralari, mahalla va boshqa manfaatdor idoralar bilan hamkorlikda tushuntirish targ‘ibot ishlari olib borilmoqda. Bunday tashviqot-targ‘ibot ishlarini o‘tkazishga qaramasdan so‘nggi vaqtlarda, tashviqot-targ‘ibot ishlarini olib borilishiga qaramasdan tumanimizda sodir bo‘layotgan yong‘inlar, gaz va havo aralashmasining chaqnashi, fuqarolarning is gazidan zaharlanishi va boshqa noxush holatlar kuzatilmoqda. Ayniqsa aholi turar joylarida baxtsiz hodisalar sodir bo‘lishi, bularning oqibatida fuqarolarning mol-mulkiga ancha miqdorda zarar yetishi, insonlarning tan jarohati olish hollari tez-tez takrorlanayapti.
Bunday noxush holatlarga chek qo‘yish va aholi turar joylarida sodir bo‘lishi mumkin bo‘lgan baxtsiz hodisa va boshqa ko‘ngilsiz holatlarning oldini olishimiz uchun tuman gaz ta`minoti korxonasi xodimlari va tuman elektr tarmoqlari korxonasi xodimlari tomonidan aholiga tabiiy gazni bir me`yorda yetkazib berish va elektr tokini tartibsiz o‘chirib yoqishida fuqarolarni ogohlantirish hamda aholi turar joylaridagi gaz quvurlari, gaz taqsimlash punktlari, elektr tarqatuv simlarining sozligini va boshqa jihozlarning sozligini nazorat qilish ishlari har kunlik nazoratga olinishi maqsadga muvofiq bo‘ladi.
Hozirgi vaqtda mahallalarimizdagi ayrim fuqarolarimiz tabiiy gazdan rezina shlang va qo‘l bola gaz tortish moslamasi orqali foydalanishayotgani, ayrim xonadonlarda mo‘rilari nosozligi aniqlanib fuqarolarga tushuntirish va targ‘ibot ishlari olib borilmoqda. Agarda yuqorida ko‘rsatilgan qoidalarga rioya qilsak, sodir bo‘ladigan yong‘inlar, fuqarolarning is gazidan zaharlanishi, gaz va havo aralashmasining chaqnashini va boshqa ko‘ngilsiz hodisalarning oldini olgan bo‘lamiz.
R. ARTIQOV,
Qumqo‘rg‘on tumani Favqulodda vaziyatlar bo‘limi Tezkor bo‘linmasi boshlig‘i, mayor
A. Almardonov,
“Qumqo’rg‘ontumangaz” gaz ta’minoti bo’limi xodimi
