Tumanimizdagi «Yoshlar» istirohat bog‘i erta tongdan o‘z salomatligiga befarq bo‘lmagan tumandoshlarimiz bilan gavjum bo‘ldi. Salomatlik saylida tibbiyot fanlari doktorlari hamda tor doiradagi mutaxassislar ishtirokida bepul tibbiy ko‘rik o‘tkazildi.
– Sayl davomida UZI, EKG tekshiruvlari, davolash profilaktika tadbirlari o‘tkazilmoqda,- deydi tuman tibbiyot birlashmasi boshlig‘i Ravshan Qo‘yliyev.
– Sog‘liq inson uchun eng katta boylik,- deydi Shahlo Ergasheva. Bugungi saylda poytaxtlik professorlar ham ishtirok etayotganligini eshitib, ularning qabuliga shoshildim. Tibbiy ko‘rikdan o‘tib, tegishli maslahatlar oldim.
Zero, har birimiz salomatligimizga befarq bo‘lmasligimiz kerak.
