Ona-chashma farzandlar ana shu chashmadan oliyjanoblik, ezgulik, umuman insoniylik sharobini shimirib chanqog‘ini qondiradilar. Ona aziz va mo‘tabar siymo. Onalarimiz haqidagi rivoyatlar, hikoyalar necha asrlar osha ana shu ulug‘ siymolarning yaxlit ramzi sifatida saqlanib kelmoqda. Ona buyuk zot. Ona o‘zida nafosat, latofat, sadoqatni aks ettiruvchi zot. Dunyoga keltirib, to mukammal bo‘lgunimizcha rohat farog‘atdan kechadi. Olamni munavvar aylagan zot bu – Ona. Ona so‘zi uch harfdan iborat bo‘lib,”O”-oriyat, ”N”-Nafosat, ”A”-andisha degan ma’nolarni bildiradi. Ona go‘zallik, donolik timsolidir. 8 mart – Xalqaro xotin-qizlar kuni munosabati bilan tumandagi 4-son davlat maktabgacha ta’lim tashkilotida bayram tadbiri o‘tkazildi. Jajji bolajonlar ishtirokida o‘zlarining biyron tillarida onalarni madh etguvchi she’rlar aytishdi. “Bahor”, ”Ko‘klam” qo‘shiqlariga raqsga tushishdi. Ayollarimizning baxti – xalqimiz, jamiyatimizning baxtidir.
Barchangizga oilaviy xotirjamlik, xonadonlaringizga tinchlik, fayz-u baraka tilayman.
Doimo xalqimiz, Vatanimizning yuksak mehri va ardog‘ida bo‘lish hammangizga nasib etsin!
Norbibi Xalilova,
4-son davlat maktabgacha ta’lim tashkiloti musiqa rahbari
