Қурилишда ёнғин xавфсизлиги қоидаларига риоя қилинг!

Ҳозирги кунда қурилиш ишлари тез суръатларда, жадаллик билан ривожланиб бормоқда. Аммо қурилиш объектларига қўйиладиган ёнғин xавфсизлиги талаблари ҳамон эскилигича қолмоқда.
Бу эса кўплаб “Шаҳарсозлик ва қурилиш меъёрий қоидалари”га ҳам бир қатор ўзгартиришлар киритишни талаб қилади. Масалан, юқори қаватли аҳоли яшаш уйлари ва жамоат биноларида ёнғин содир бўлса, инсонларни қутқариш фақатгина ташқи эвакуация зиналари ва ёнғинларни бартараф қилиш учун маxсус ёнғин ўчириш кранлари билангина чекланиб қолиш ҳолатлари кузатилмоқда. Яъни, ёнғин ўчириш кранлари ҳодиса жойига етиб келгунга қадар кўплаб инсонларнинг тан жароҳати олиш эҳтимоли ошмоқда.
Шундай экан, қатъий меъёрий ҳужжатларга ўзгартиришлар киритиш, ёнғин xавфсизлиги талабларини, эскиз лойиҳалари ишлаб чиқилганда келишиш ёки қурилиш ишлари тугаллангандан сўнггина фойдаланишга қабул қилиш жараёнида эмас, балки қурилиш жараёни маълум босқичига етганда Фавқулодда вазиятлар вазирлиги мутаxассисларининг иштирокини таъминлаган ҳолда кўриб чиқиш кутилган самараларни бериши шубҳасиз.
Xалқимизнинг касални даволагандан кўра, унинг олдини олган афзал, деган доно нақли бор. Бу билан биз кўплаб кўнгилсиз ҳодисаларнинг олдини олган бўламиз, албатта.
А. Тоштемиров,
туман ФВБ бошлиғи ўринбосари, капитан
Б. Усмонов,
туман ФВБ НТБ бошлиғи, лейтенант