Бодом гулга кўмилди,
Заррин нурга чўмилди.
Арилар ғув-ғувлашиб,
Дарахтни макон билди.
“Кўкламой”нинг келиши,
Биз-ла бирга бўлиши,
Ҳутдан дарак беради,
Қоқигул очилиши.
Тоғларда бойчечаклар,
Ҳамда қўй-қўзичоқлар.
Қизлар жамалагида,
Ялтирар кўзмунчоқлар.
Қадаминг қутлуғ келсин,
Кадилар сутга тўлсин.
Ҳозирлик кўрар деҳқон,
Оллоҳ ниятин берсин!
Ўрол Абраев,
Янгиер маҳалласи.
