Лолаева Марзиё Бахтиёр қизи 1998 йил 1 июнда Қумқўрғон тумани «Исломобод» маҳалласида туғилган. 10 ёшидан абадиётга ихлос қўйиб ижод қилаяпти. Қумқўрғон Педагогика коллежининг бошланғич таълим йўналишини битирган. Шўрчи тумани «Хурлик» маҳалласида жамоат ишлари бўлимида ёшлар етакчиси бўлиб ишлаяпти. Ҳозир 23 ёшда, оилали, бир нафар фанзанди бор. Мазмунли шеърлар ёзиб адабиётимизда ўчмас из қолдириш ниятида.
СЕНИ СОҒИНДИК БАҲОР
Муштоқликда қумсаб сенинг ифоринг,
Чорлар гўзал боҚига анча дилдоринг.
Ҳар доим вафодор бўлай мен ёринг,
Бунча соғинтирдинг келмай сен баҳор.
Тоғларда зарғалдоқ лоланг атрини
Қумсайман, чорлабон сени ҳар куни.
Билдириб ҳар нафас кўклам қадрини
Бунчалар соғинтирдинг келмай сен баҳор.
Ёмғиринг тинганида камалакларинг,
Асалдан тотлироқ сумалакларинг,
Гулдан гулга қўнган капалакларинг,
Бунча соғинтирдинг келмай сен баҳор.
Айвонга ин қурган қалдирғочларинг,
Эртакдан жонланган қўғирчоқларинг,
Хиромон айланган кўзмунчоқларинг,
Бунча соғинтирдинг келмай сен баҳор.
Қувончга жо бўлган Наврўз айёминг,
Шодлиг-у тантана, байрам ҳар онинг,
Хурсандчилик улашган қадрдон жонинг,
Бунча соғинтирдинг келмай сен баҳор.
Сендан илҳом олган яллаларингни,
Онажоним айтган аллаларингни,
Куйлашган кенг давраларингни,
Бунча соғинтирдинг келмай сен баҳор.
