Мамлакатимиз бўйлаб кучайтирилган тартиб ўрнатилиб, аҳолининг уйдан чиқмаслиги бўйича огоҳлантиришлар эълон қилинди. Аммо, шунга қарамай ҳанузгача бу пандемиянинг қанчалар хавфли эканлигини ҳис қилолмаётганлар, ўз соғлигига бефарқ фуқаролар учрамоқда.
Туманда блок постлар ўрнатилиб, ИИБ ходимлари томонидан доимий назоратга олинган ва кўчага мақсадсиз чиққан фуқароларга алоҳида тушунтириш бериляпти. Карантин талабларига амал қилиш, биз учун ҳаловатидан кечиб, фидойилик қилаётган инсонларнинг меҳнатини қадрлаш ҳар биримизнинг инсонийлик бурчимиз эканлигини унутмаслигимиз лозим.
