Қурилишда ёнғин хавфсизлиги қонун қоидаларига риоя қилган ҳолда қуриш ўзингизни ва уйингизни ёнғин балосидан асрашни билинг

Мамлакатимизнинг ҳар жиҳатдан ривожланишида, баланд-баланд биноларнинг қурилиши, инсонларнинг эҳтиёжлари, илгарига қараганда кўпайиб бораётганлиги, фуқароларимизнинг қурулиш ишларини олиб бориш жараёнида ёнғин хавфсизлиги талабларига амал қилмаганликлари оқибатида жойларда ёнғинларнинг кўпайиб кетаётганлиги, инсонларнинг ҳалок бўлишлари кузатилиб келинмоқда. Шунинг учун доимо қурилиш ишларини давлат ташкилотларида ва яшаш уйларда амалга ошираётганда ёнғин хавфсизлиги бўйича қўйилган талабларни бажариш керак. Ҳозирги вақтда фан ва техника ютуқлари, ер ости ва ер усти бойликларидан унумли фойдаланиш муҳим аҳамиятга эгадир. Кишилик жамияти босқичидаёқ олов қанчалар муҳим ўрин тутганлиги эса тарихдан маълум. Айни чоғда аждодларимиз мазкур кашфиёт мевасидан нотўғри фойдаланиш қандай оқибатларга олиб келишини яхши аниқлашган ва олов таъсирида юзага келадиган барча кўнгилсиз ҳодисалар олдини олиш юзасидан эҳтиёт чораларини кўришган.
Уй қурулишидан тортиб уни иситиш ва совитиш тизимлари, ошхонанинг жойлаштирилиши, ўчоқ бошида олов ёқиш қоидалари ўзига хос бўлиб, уларда ёнғинга сабаб бўладиган ҳолатларга йўл қўйилмаган. Болаларга-ку олов билан боғлиқ ҳеч қандай юмуш буюрилмаган ёки болаларнинг олов ўйнашларига мутлоқо изн берилмаган.
Афсуслар бўлсинки, бизнинг давримизга келиб кўпчилик ота-оналар олов билан боғлиқ ишларда, айтайлик, овқат пишириш, чой қўйиш сингари уй-рўзғор юмушларида ёнғин хавфсизлиги қонун-қоидаларига амал қилишмайди ёки бу юмушларни болаларга топшириб қўйишади. “Ёнғинлар профилактикаси куни” бўйича туманимиздаги маҳаллаларда яшовчи фуқароларни хонадонларини ёнғинга қарши ҳолатини кўздан кечирганимизда бир қатор камчиликлар аниқланиб, хонадон эгаларига керакли бўлган ёнғин хавфсизлиги бўйича тавсиялар берилди, талабларни қўпол равишда бузган фуқаролар маьмурий жаримага тортилди ва уларга қўшимча тушунтириш ишлари олиб борилди.  Яшаш жойларида бўлгани каби иш жойларида ҳам ёнғинга олиб келувчи ҳолатларга лоқайд муносабат ҳамон сақланиб қолаётганлиги ташвишланарлидир. Бунинг натижасида жойларда турли даражадаги ёнғинлар содир бўлиб турибди.
Туманимизда, 2020 йилнинг шу кунига қадар 12 та ёнғин содир бўлиб, ундан 383.696.000 минг сўмликдан зиёд моддий зарар кўрилган. 2 та куйиш тан жароҳати олган. Энг ачинарли томонларидан яна бир бу инсонларнинг ёнғинларда ҳалок бўлишидир. Ўтган давр мобайнида содир бўлган ёнғинларнинг 100 фоизи ҳам турар жойларига тўғри келади. Шу сабабли давлат Фавқулодда вазиятлар бўлими ходимлари томонидан аҳоли турар жойлариниг ёнғинга қарши ҳолатини мунтазам текшириб турилади, маҳаллалар ва қишлоқ фуқаролик йиғинларида ёнғин хавфсизлик қоидалари тарғиб этилиб, оммавий ахборот воситалари орқали ёнғинларнинг олдини олиш мақсадларига қаратилган чиқишлар қилинади, профилактик тадбирлар ўтказилиб борилади. Аммо, фуқаролардаги лоқайдлик ва бефарқликлар туфайли яшаш жойларида ҳамон ёнғин содир бўлиб турибди. Кимнингдир айби билан содир бўлган ёнғин кўпларнинг моддий бойликларини кулга айланишига, уй-жойсиз қолишига сабаб бўлаётир. Фикримизни  янада ойдинлаштириш учун бир неча мисоллар келтириб ўтишни жоиз топамиз.
2020 йил 1 февраль куни туманимизнинг “Мунчоқтепа” маҳалласида жойлашган фуқаро яшаш уйи ҳовлисида жойлашган 2 қаватли молхонасида электр симларининг носозлигидан ёнғин келиб чиқиб, 3.970.000 сўм моддий зарар етказган.
2020 йилнинг 30 апрель куни туманимизнинг “Ачамайли” маҳалласидаги ички йўлда ҳаракатланиб бориб тўхтаган ГАЗ 53 русумли автомашинанинг олди матор қисмидаги электр симлари қизиб эриши оқибатида ёнғин содир бўлган. Ёнғиндан ГАЗ 53 русумли автомашина тўлиқ ёниб кетган.
2020 йил 6 июнь куни  туманимизнинг  “Арпапоя” МФЙда жойлашган ички йўлда ҳаракатланиб келаётган GLOBAL PARTNERSHIP MCHҚ қарашли давлат рақами 75 067 MAA  оқ рангли HOWO русумли 25 тоннали юк автомашинасини олди қисми тўлиқ ёниб кетган.
Қурулиш бўлаётган биноларда ҳам бир неча ёнғинлар кузатилган, ёнғинларни сабаби қурулиш бўлаётган жойларда тез ёнувчи материалларни сақлаши, ушбу материалларни ёнида электр пайвандлаш ишларини олиб бориши, сигареталар чекишлари оқибатида ёнғинлар келиб чиқмоқда.
Бундай мисолларни кўплаб келтириб ўтишимиз мумкин. Мақсад фуқароларнинг ёнғин хавфсизлиги қоида талабларига риоя этишлари, лоқайдлик ва эътиборсизлик сингари иллатлардан холи бўлиб, ёнғинларга олиб келувчи омилларни бартараф этилишида Давлат ёнғин хавфсизлиги хизмати ходимларига яқиндан ёрдам беришлари лозимлигини эслатиб ўтмоқчимиз. Чунки ўз уйи ва ўзгалар ҳаёти учун жавобгарлик ҳар бир кишининг виждон иши бўлиши керак. Ўзини виждонли деб билган кишилар эса ҳеч қачон ёнғинга олиб келувчи омилларга бефарқ қарамайди, аксинча ёнғинларнинг олдини олиш ишида фаоллик кўрсатади. Ёнғин хавфсизлигини таъминлашда фаоллик кўрсатиш бурч эканлигини ҳеч ким унутмаслиги зарур.
Мабода ёнғин содир бўлса  дарҳол « 101 » ёки «76-46-52-201» га телефон орқали ёнғин ўчириш қисмига қўнғироқ қилинг, бунда манзилингизни, нима ёнаётганлигини ва исми, шарифингизни тўлиқ ва аниқ айтинг. Дастлаб мавжуд бўлган ёнғин ўчириш воситаларидан фойдаланиб ёнғинни ўчиришга ҳаракат қилинг.
                                                                   А. Тоштемиров,
            туман ФВБ бошлиғи ўринбосари, катта лейтенант                                                                         У. Хуррамов,
туман ФВБ норматив-техник бўлинмаси бошлиғи, сержант