Ўзбекистон ёшлар ишлари агентлиги Қумқўрғон туман бўлими ва Ўзбекистон Ёшлар иттифоқи Қумқўрғон туман кенгаши ҳамкорликда 14 январь – Ватан ҳимоячилар куни ҳамда ёшларнинг қишки таътил пайтида бўш вақтини мазмунли ташкил этиш мақсадида қизиқарли тадбирларни амалга оширди. «Истиғлол» маҳалласида спортнинг футбол тури бўйича «Ёшлар ишлари агентлиги кубоги» мусобақасини ўтказди. Ёшлар ишлари агентлигининг вакиллигига номзод Жаҳонгир Жалолов ташкилотчилик фазилатларини намоён қилди.
Футбол мусобақасида 4 та жамоа қатнашди. 1998 ва 1992 йилларда туғилган футболчилардан таркиб топган жамоалар энг яхши натижаларни қўлга киритиб финалга чиқди. Якуний ўйинда 1998 йилда туғилган ёшлар жамоаси ғолибликни қўлга киритди. Мусобақа ташкилотчилари уларни фахрли биринчи ўринни эгаллагани учун кубок, фахрий ёрлиқ, 100000 сўм пул мукофоти билан тақдирлади. 1992 йилда туғилган футболчилар жамоасига фахрли 2-ўриндан жой олгани учун фахрий ёрлиқ, 50000 сўм пулни топширди.
Н. МУҲАММАДИЕВ
