Далаларда парваришланаётган экинларни зараркунандалардан асраш мўл ҳосил етиштиришда долзарб иш ҳисобланади. Буни қишлоқ хўжалиги ходимлари яхши билади. Зараркунандаларга қарши курашнинг биологик усулини амалга ошириш учун биолабораториялар ташкил қилинган. Соҳа мутахассислари ва лаборантлар фойдали ҳашоратларни етиштириб, ғўзаларда учраётган зараркунандаларга қарши ишлов бераяпти. Барча ҳудудларда 2 гектарга 1 дона феромон тутқич ўрнатиш режалаштирилган бўлиб, барча ҳудудларда тўлиқ амалга ошди. Шира-трипсга қарши биологик ва кимёвий усулларда ишлов бериш ишлари ҳам тўлиқ бажарилди. Ўргимчаккана ҳашоратига қарши 3-4 марта биологик усул қўлланилди. Кимёвий усулда дорилаш давом этмоқда. Бундан ташқари, кўсак қурти учраяпти. Ҳосилни сақлаб, деҳқонлар меҳнатини қадрлаш учун трихограмма, бракон каби фойдали ҳашоратлар далаларга чиқарилди. Ҳудудлардаги ғўзаларда учраётган зараркунандаларга бу фойдали ҳашоратлар ёрдамида икки-уч марта қарши курашилди.
Н. МУҲАММАДИЕВ
