Ҳар кимнинг давлат органлари ва ташкилотларга ариза, шикоят, таклиф бериш хуқуқини таъминлаш орқали давлат идораларига бўлган ишончини мустаҳкамлашда муҳим ўрин эгаллайди.
Қумқўрғон туман Халқ қабулхонасига жорий йил олти ойи мобайнида 1890 та мурожаатлар рўйхатга олинган бўлиб, шундан 1707 таси ёки 91,82 % қаноатлантирилган. Қайд этилган мурожаатларда энг кўп иш билан таъминлаш, маиший газ баллонлари билан таъминлаш, ички йўлларни таъмирлаш ва қуриш, чорвачиликни ривожлантириш учун кредит, муҳтожларга бир марталик моддий ёрдам, электр тармоқлари ускуналари (симёғоч устун, трансформатор пункти) таъмирлаш ва ўрнатиш, фирибгарлик жиноятлари бўйича, алимент ундириш ҳамда ичимлик суви таъминотидаги муаммолар каби долзарб масалалар кўтарилган.
Ўтган давр мобайнида Халқ қабулхоналарига келиб тушган мурожаатларнинг ортиши, жойларда аҳоли томонидан кўтарилаётган ижтимоий-иқтисодий муаммоларнинг кўплиги, уларнинг ечимини топишга қаратилаётган чора-тадбирларни янада кучайтириш кераклигини кўрсатмоқда.
Қумқўрғон туман Халқ қабулхонаси томонидан мурожаатларнинг ҳал қилиниши устидан доимий назорат ўрнатилиб, жисмоний ва юридик шахсларнинг бузилган ҳуқуқларини тиклаш, қонуний манфаатларини ҳимоя қилиш, мурожаатларнинг ўз вақтида ва самарали кўриб чиқилишини таъминлаш чора-тадбирлари мунтазам равишда амалга оширилиб борилмоқда.
2021 йил 6 ойи мобайнида Қумқўрғон туман Халқ қабулхонаси томонидан 60 та мурожаатлар кўриб чиқилган бўлиб, уларнинг барчаси тегишли ташкилотлар билан биргаликда ижобий ҳал этилган.
Мисол учун, 2016 йил фаолияти тўхтаган “Ғалаба”, “Жарқишлоқ”, “Киндиктепа”, “Тайфанг” ва “Жозиба” маҳаллаларига хизмат кўрсатувчи Оққопчиғой ҚВП, Оққопчиғой ОШП сифатида қайта ишга тушурилиб, янгидан фаолият юрита бошлади.
4 та ҳолатда 4 нафар фуқароларга 5.5 млн сўм қарздорликлар ундирилди;
Бир нафар кам таъминланган оилага ҳомийлик маблағлари эвазига уй-жой қуриб берилди.
Бир нафар жазони ўтаб қайтган фуқаронинг бандлигини таъминлаш мақсадида томорқасига 2 сотих иссиқхона қуриб берилди.
Келгусида туман Халқ қабулхонаси томонидан секторлар, давлат органлари ва бошқа ташкилотларнинг уйма-уй юриш, ижтимоий ва бошқа объектларни ўрганиш орқали ижтимоий-иқтисодий муаммоларни аниқлаш ва ҳал қилиш фаолиятини доимий равишда мувофиқлаштириб бориш, ҳудудларда жисмоний ва юридик шахсларнинг мурожаатлари билан ишлаш, оммавий ва сайёр қабуллар ўтказиш тизимини мувофиқлаштириш ва назорат қилиш ва аниқланган камчиликлар юзасидан тегишли идораларга тақдимнома ҳамда Халқ депутатлари туман кенгашига содир этилган камчиликларни бартараф этиш ва айбдор масъул шахсларга нисбатан чора кўрилиши бўйича ахборот киритиб борилмоқда.
Р. Тўхтаев,
Ўзбекистон Республикасининг Президентининг Қумқўрғон туманидаги Халқ қабулхонаси мудири
Қ. Давлатов,
етакчи мутахассиси
И. Умаров
мутахассис
