Замон ривожланган сайин қурилиш маҳсулотларига эҳтиёж ошаверади. Турли хил иморатларни қуришда, уйларнинг атрофида бунёдкорлик ишларини бажаришда қурилиш маҳсулотлари жуда зарур. Пишиқ, узоқ муддатга чидайдиган, инфротузилмани ривожлантирадиган маҳсулотларга талаб юқори. Туман марказида Олижон Каримов бошчилигидаги цех қурилиш учун зарур бўлган шлакоблок ва турли плиткалар ишлаб чиқаришга мўлжалланган. Шуниси ҳам қувончлики, ишчилар замонавий техника воситалари, автоматик қурилмалардан самарали фойдаланяпти. Уч нафар ишчи электр токи ёрдамида ишлатиладиган цемент қориш қурилмаси ва шлако блокни бир хил катталикда ишлаб чиқарадиган қолипда маҳсулот ишлаб чиқраяпти. Улар бир кунда 500-600 дона шлакаблок тайёрлаб, савдога чиқараяпти.
Яна уч нафар ишчи плиткалар ишлаб чиқариш билан банд. Улар 10-15 хилдаги маҳсулотларни тайёрлаяпти. Рангли, безатилган плиткалар янги қурилаётган ва таъмирланаётган иморатларни чиройли кўринишга келтиради. Шунинг учун цех маҳсулотларига қурилиш ташкилотлари ва аҳолида эҳтиёж баланд. Цехда тайёрланган маҳсулотлар, буюртмачиларга пешма-пеш сотилаяпти.
Н. МУҲАММАДИЕВ
