Аёл деганда барчамизнинг кўз олдимизда меҳрибон она сиймоси гавдаланади. Орамизда шундай аёллар борки, ҳам оиласини, ҳам тадбиркорлик қилишнинг уддасидан чиқишмоқда. Туманимизда хотин-қизларни қўллаб-қувватлаш ва уларни иш билан таъминлаш мақсадида тикув цехлари ташкил этишга катта эътибор қаратилмоқда. Бунинг натижасида янги иш ўринлари яратилиб, аёллар бандлиги таъминланмоқда. “Хуррият” маҳалласида истиқомат қилаётган Жўраева Саломат опа банкдан имтиёзли кредит олиб тикувчилик цехи очди. Ўзи билан бирга икки нафар “Темир дафтарда”,”Аёллар дафтари”да турган аёлларнинг бандлигини таъминлади. Фақатгина шу билан чекланиб қолмасдан 10 нафар қизларни тикувчилик касбига бепул ўқитишни йўлга қўйди. Ҳозирда кийим кечак, ёстиқ, кўрпа, чойшаб, миллийлигимиз акс этган қуроқ маҳсулотларини тайёрлашмоқда.
Бир сўз билан айтганда туманимизда ишсиз аёлларнинг бандлигини таъминлаш ишлари жадаллик билан кетмоқда.
