Тумандаги 11-сонли АФЧЎИМИ га Термиз давлат университети Тарих, Жисмоний маданият, Санъатшунослик, Ўзбек филологияси, Мактабгача таълим факультети Ёшлар билан ишлаш бўйича декан ўринбосарлари Х. Бўронов, Ш. Худойбердиев, З. Зоиров, Х. Аҳмедов, М. Холиёров ва иқтидорли талабалар ташриф буюришди.
Мактаб-интернат жамоаси билан бўлган учрашув қизиқарли, савол-жавобларга бой бўлди. Учрашув давомида мактаб-интернат фаолиятини такомиллаштириш, ўқитувчиларнинг касбий ва педагогик маҳоратини янада ошириш, ўқувчиларнинг илм-фан ва касб-ҳунарга бўлган қизиқишларини кучайтириш, уларнинг маънавий-маърифий билимлари ва дунёқарашини янада ошириш ҳамда университет ва мактаб-интернат ўртасидаги ўзаро ҳамкорлик алоқаларини мустаҳкамлашга келишиб олинди.
Учрашув якунида университет профессор-ўқитувчилар томонидан мактаб-интернат маъмурияти ва иқтидорли ўқувчиларига бадиий китоблар ва эсталик совғалар туҳфа этилди.
Д. ҚЎЗИЕВА,
тумандаги 11-сонли Айрим фанлар чуқур ўрганиладиган ихтисослаштирилган мактаб-интернати директори
