Миллий кураш бу азалдан ота-боболаримизнинг шуғулланиб келадиган спорт ўйинлари бўлиб, бу майдонда эр кишининг ори-ғурури синалади. Қумқўрғон тумани 3-сектор ҳудуди “Шерозий” маҳалласида уюшмаган ёшлар ўртасида туман ИИБ бошлиғи, 3-сектор раҳбари Нуримбек Нарзуллаев ташаббуси билан кураш мусобақаси бўлиб ўтди.
Туман ҳокими Р. Гаппаров спорт мусобоқасини очиб берди. Ўтказилган спорт тадбирида 150 нафардан ошиқ курашчи полвон ёшлар иштирок этиб, ўз кучларини синаб кўришди. Бундан ташқари, вилоятимизнинг турли туманларидан 50 нафардан ортиқ номдор, халқаро майдонларда беллашган полвонлар иштирок этишди. Ш. Мамарасулов, Зиёдулла Султонов, Нодир Бўрибоев, Абдулла Холиёров, Бегзод Бойкелдиев, Шерали Тўраевлар ҳам майдонга тушишди. Мусобақада ғолиб бўлган полвонлар қимматбаҳо совғалар ва пул мукофотлари билан тақдирланишди.
