Туман ХТБ га қарашли таълим муассасаларида Ўзбекистон Республикасининг 2020 йилга мўлжалланган Инвестиция дастурига асосан режалаштирилган қурилиш-таъмирлаш ишлари ижро этилаяпти. 63-сонли умумий ўрта таълим мактабини реконструкция қилиб, 210 ўринли қўшимча бино қуриш бажарилди. Умумий қиймати 1 миллиард 933,4 миллион сўмлик объектда Жанубий – Тараққиёт Файз хусусий корхонаси пудратчилик қилди. 54-сонли умумий ўрта таълим мактабини реконструкция қилиш ишлари якунланиб, фойдаланишга топширилди. 18-сонли умумий ўрта таълим мактабининг 624 ўринли ўқув блогини мукаммал таъмирлаш билан 120 ўринли ўқув биноси ва 42 Х 24 метр ўлчамдаги спорт залидаги бунёдкорлик ишлари якунланди. Тўлқин МЧЖ бунёдкорлари қурилиш ишларини амалга оширди. Абдухолиқ-Жамолиддин хусусий корхонаси қурувчилари 23-сонли умумий ўрта таълим мактабини мукаммал таъмирлади. Амузанг Сурхон Нур МЧЖ ишчилари Янгиер маҳалласидаги 7-сонли умумий ўрта таълим мактабида 2-босқич ишларини тугатди. 120 ўринли 64-сонли умумий ўрта таълим мактабида Парвона хусусий корхонаси қурувчилари меҳнат қилди. Улар асосий бинога қўшимча 120 ўринли бино ва филиал учун 180 ўринли бино қуришни якунлади. Бу 6 та таълим муассасида режалаштирилган ишлар якунланиб, фойдаланишга топширилди.
Н. МУҲАММАДИЕВ
