ҚИЗАМИҚ КАСАЛЛИГИДАН ЭҲТИЁТ БЎЛИНГ !

ҚИЗАМИҚ ҚАНДАЙ КАСАЛЛИК?

 

Қизамиқ – ҳаво-томчи йўли орқали юқадиган ўткир юқумли касаллик бўлиб, умумий токсикоз, тана ҳароратининг кўтарилиши, конъюнктивит, нафас йўллари яллиғланиши ва терида ўзига хос босқичма-босқич, доғли-папулёз тошмалар тошиши билан кечади.

Бемор йўталганда, аксирганда, гаплашганда ҳаво оқими билан узоқ масофаларга тарқалиши мумкин.

Қизамиқ билан оғриган бемор 8-10 кун давомида зарарли ҳисобланади (инкубацион, продромал ва тошма тошиш даври).

Контагиозлик индекси 0,95 фоизга тенг.

Ҳозирги кунгача дунёнинг кўпгина мамлакатларида қизамиқ билан ҳар йили 40 миллионга яқин болалар касалланади, улар орасида 10 фоиздан ортиқ  ўлим ҳолатлари кузатилади.

ҚИЗАМИҚДА ТАНА ҲАРОРАТИ ВА ТОШМАЛАР ТОШИШИ

Қизамиқнинг клиникаси 4 та даврдан иборат:

  1. Яширин даври – 10-17 кундан иборат. Эмланган ёки қизамиққа қарши иммуноглобулин олганларда 21 кунгача чўзилиши мумкин.
  2. Катарал даври – 3-4 кун давом этади, 5-7 кунгача чўзилиши мумкин.
  3. Тошма даври – 3-4 кун давом этади.
  4. Пигментация даври – 1-2 ҳафтагача давом этади.

ҚИЗАМИҚ КАСАЛЛИГИНИНГ ПРОФИЛАКТИКАСИ:

Тирик қизамиқ вакцинаси  билан  фаол эмлаш ўтказиш КПК (қизамиқ, тепки, қизилча)

Вакцинация схемаси – 12 ой ва 6 ёш.

Пассив иммунизация – қизамиққа қарши донор иммуноглобулини, мулоқотнинг 3-5 куни юборилади.

Умумий эпидемияга қарши чора-тадбирлар – тошма тошгандан то 5-кунгача, асоратлар бўлганда эса 10 кунгача беморни изоляция қилиш. Хоналарни 30-45 минут давомида шамоллатиш. Хоналарни кварцлаш.

Болалар муассасаларида 21 кунлик карантин эълон қилинади.

                    Қумқўрғон туман санитария-эпидемиологик

                                       осойишталик маркази