Пандемия таъсирида 2139 та кичик тадбиркорлик субъекти ўз фаолиятини вақтинча тўхтатган. Савдода 871 та, саноатда 571 та, озиқ-овқат хизматида 191 та ва бошқалар соҳасидаги кичик тадбиркорлик субъектлари фаолиятини тўхтатган. Бу ҳақда ДСҚ хабар қилган. “Карантин вақтида ўз фаолиятини тўхтатган 95 144 та якка тартибдаги тадбиркорларга 155,3 млрд. сўм қатъий солиқлар ҳисобланмади. Жорий йилнинг январ-июнь ойларида айланмадан олинадиган солиқ бўйича тушумлар 630 млрд. сўмни ташкил этиб, ўтган йилнинг шу даврига нисбатан 307 млрд. сўмга қуйидаги сабабларга кўра камайди:
биринчидан, тўловчиларнинг бир қисми, йил якунлари бўйича айланма суммаси 1 млрд. сўмдан ошганлиги учун умумбелгиланган солиқларни тўлашга ўтганлиги;
иккинчидан, пандемия натижасида кичик бизнес ва хусусий тадбиркорлик субъектларининг ишлаб чиқариш ҳажми жорий йилнинг биринчи ярмида ўтган йилнинг мос даврига нисбатан 0,8 фоизга, хизматлар ҳажми 2,3 фоизга, чакана савдо айланмаси 2,9 фоизга камайди.
Шу билан бирга, жорий йилнинг 2-чорагида пандемия таъсирида 2139 та кичик тадбиркорлик субъектлари ўз фаолиятларини вақтинча тўхтатган, бунда савдода 871 та, саноатда 571 та, озиқ-овқат хизматида 191 та ва бошқалар соҳасидаги кичик тадбиркорлик субъектлари фаолиятини тўхтатган.
Шунингдек, ноозиқ-овқат бозорлари, мобиль дўконлари фаолияти вақтинчалик тўхталиши натижасида, иккинчи чоракда уюшмаган савдонинг чакана савдо айланмаси таркибидаги улуши биринчи чоракдаги 8,4 фоиздан 3,7 фоизга тушиб, биринчи чоракка нисбатан 2 мартага камайган.
Туман статистика
бўлими
