Пахтачиликка ихтисослашган фермер хўжаликларида ва кластерда кенгайтирилган ишлаб чиқариш ишлари амалга оширилмоқда. ғўзапоялардан тозаланган далалар шудгор қилинаяпти. Туманимиз бўйича 7952 гектар ерни шудгорлаш режалаштирилган. “Ер ҳайдасанг куз ҳайда, куз ҳайдамасанг юз ҳайда” мақолига амал қилаётган қишлоқ хўжалиги ходимлари бу масъулиятли ишни сифатли бажаришга эътибор қаратмоқда. Жами 33 та ҳайдов трактори далаларни сифатли ағдаришга ажратилган. Биринчи ва тўртинчи секторларда ажратилган ҳайдов тракторлари кучидан тўлиқ фойдаланаяпти. Ўзбекистон ҳудудида ҳайдов тракторининг ўртача иш унуми 7 гектар, Ш. Мирзаев ҳудудида 6,7 гектар, Н. Мирзаев ҳудуида 6 гектар, 2-секторда 6,1 гектар бўлди.
Ерларни сифатли ҳайдаш йил давомида зичланган тупроқни юмшатиш билан бирга келгусида пахта ҳосилдорлигини оширишда муҳим тадбир ҳисобланади. Буни тўғри тушунган деҳқонлар техникаларнинг қудратли кучидан ўз вақтида фойдаланиш мақсадида ишлаяпти. Мавсумни уюшқоқлик билан ўтказиш учун далаларни шудгорлаётган техникаларга дизель ёқилғиси етказиб берилмоқда.
Н. МУҲАММАДИЕВ
