Йўлим тушиб “Гулистон” маҳалласидаги Ғафур Ғулом кўчасига бориб қолдим. Кўча бошида турган Мамашариф акага кўзим тушди. Саломлашганимдан кейин кўча бошида турганининг сабабини сўрадим. “Кўчамизга Камазда қум келяпди, ўша қумни тўктириб қоляпман” деди.
Мен кўча охирига томон бориб тўкилган қумларга кўзим тушди. Бироздан сўнг ҳақиқатдан ҳам Камаз машинасида қум келди. Мамашариф ака қумни бўлиб-бўлиб тўктирди. Бу кўчага қайси депутат ёки маҳалла раиси қум олиб келяпди деган гап хаёлимдан ўтди. Қизиқиб Мамашариф акани суҳбатга тортдим. Бу қумни ким ёки қайси ташкилот олиб келяпди деган савол билан юзландим. “Биз ўзимиз ҳашар йўли билан олиб келяпмиз”,- деган жавобни олдим. Кетмоқчи бўлдим, аммо, буларнинг бу ишлари фидойилиги менинг эътиборимни тортди. Шундан кейин “майлими шу ишларингизни расмга олсам” дедим. Расмларни нима қиласиз деганда, сизларнинг бу ташаббусларингизни қўлимдан келса туман газетасида ёритсам нима дейсиз дедим. “Қандоқ бўлар экан биз нима ҳам қилдик ўзимизнинг кўчамизни обод қиляпмиз бунинг нимасини газетага чиқарасиз”,- деган жавобни олганимдан кейин бу одамнинг камтарин инсон эканлигини англадим. Шундан сўнг у киши билан суҳбат жараёнимизга шу кўчада яшовчи Эшқурбон ака ҳам қўшилиб “Мамашарифбой кейинги ҳашарда кўчадаги электр энергияси ўтган сим ёғочларни янгилаймизда”,- деса бўладими. Шундан кейин кейин Камазда қум келиб қолди. Мен ҳам уялганимдан уларнинг ишларига қўлимдан келганча ёрдам бердим.
Кўчани номига муносиб инсонлар яшар экан. Ҳозирги кунда баъзи бир инсонлар ўзлари ташаббус кўрсатмасдан ҳаммасини давлат ёки депутат бажариб бериши керак деган хаёл билан яшашади. Бу кўчадаги фидойи инсонлардан намуна олсак арзийди.
Т. АЛЛАШЕВ,
узМТДТ туман Кенгаши ижроия қўмитаси етакчи мутахассиси
