Болалар кўзимизнинг қувончи, хонадонимизнинг файзи ҳисобланади. Болага меҳр-муҳаббати йўқ инсон бўлмаса керак. Фарзандларимизнинг бирон жойига лат етса озор чекамиз. Имкон қадар кўз олдимиздан қочирмасликка ҳаракат қиламиз.
Бироқ турли сабабларга кўра туманда болалар билан боғлиқ сувга чўкиб кетиш ҳолатлари кўп учрамоқда. Тумандаги “Сурхон соҳили” маҳалласида истиқомат қилувчи 2013 йилда туғилган Р.Д яшаш уйи ҳовлисида жойлашган ҳовузга эҳтиётсизлик оқибатида тушиб кетиб чўкиб вафот этган. Шу кунгача оқ ювиб, оқ тараб фарзандини катта қилган онаизор қандай аҳволга тушганини ўйлаб кўринг. Азиз ота-оналар фарзандларингизни қаровсиз қолдирманг. Доим назоратда тутинг. Юрагингизнинг бир парчасининг узилишига йўл қўймаслик ўз қўлингиздадир.
К. Бобоев
туман прокуратураси терговчиси
